[vallalargroups:5906] Thaipoosam 2018 சன்மார்க்க சேவை மைய அன்பர்களின் சீரிய தொண்டு

தயவுடையீர்

வந்தனம்

வடலூர் தைபூச ஜோதி தரிசன

பெருவிழா 2018 மற்றும் மேட்டுகுப்பம் சித்தி வளாகம் திருவறை தரிசன நன்னாள்

விழா மிகவும் சிறப்புடன் நடந்தேறியது. 

உலகெங்கும் உள்ள சன்மார்க்கம் மற்றும் பக்த கோடிகள் கலந்துகொண்டு அருட்பெருஞ்ஜோதி ஆண்டவரின் அருளாசியைப் பெற்று இன்புற்றனர். சன்மார்க்க அன்பர்கள் பக்தர்களுக்கு அன்னம் பாலித்தும் உதவிகள் பல புரிந்தும் ஆன்மலாபம் அடைந்தனர். 

வடலூர் தெய்வநிலையம் விழா ஏற்பாடுகளையும் சன்மார்க்க சொற்பொழிவு, இன்னிசை, வில்லிசை மற்றும் கருத்தரங்கம் உள்ளிட்ட நிகழ்வுகளை வழங்கினர்

கடலூர் மாவட்ட ஆட்சியர் உத்தரவின் பேரில் அத்தியாவசிய பணிகள் மற்றும் காவல் துறை பாதுகாப்பு சிறப்புடன் அமையப்பெற்றன. 

சன்மார்க்க சேவை மைய அன்பர்களின்

சீரிய தொண்டு சிறப்புடன் அமைந்தது. குடிநீர் வழங்கல், சுகாதாரம் , தூய்மை, பக்தர்களுக்கு உதவி உள்ளிட் ட சிறப்பு பணிகளை சேவை மைய அன்பர்கள் உற்சாகத்துடன் வழங்கினர்

மேலும் கல்பட்டு ஐயா வளாகம் அருகில் நிரந்தர கழிவறை சேவை மையம் மூலம் அமைக்கப்பெற்றது

தர்மசாலை , ஞான சபை அருகில் காலணி பாதுகாக்கும் இடம் , குப்பைத்தொட்டிகள், மற்றும்

 சித்திவளாகம் கொடிமேடை ஸ்டீல் கேட் அமைக்கப்பெற்றன. சேலை மைய அன்பர்களின் சன்மார்க்க பணி மென்மேலும் சிறந்து விளங்கிட எல்லாம் வல்ல பரம்பொருளை வணங்கி வாழ்த்துகின்றோம்