1. தேவரீர் திருச்சமுகத்தில் , துரும்பினும் சிறியேமாகிய யாங்கள், சிற்றறிவால் செய்து கொள்ளும் சிறு விண்ணப்பங்களை திருச்செவிக்கு ஏற்ப்பித்து அருளி, எங்களை இரட்சித்தருளல் வேண்டும்.
2. மலத்தில் புழுத்த சிறியேமாகிய யாங்கள்,திருச்சமுகத்தில் விண்ணப்பித்திற்குரிய
பெருந்தகை வாசகத்தை எவ்வாறு அறிவோம்! எங்ஙனம் செய்வோம்!
3. ஆகலில், கருணாநிதியாகிய கடவுளே! யாங்கள் விண்ணப்பிக்கின்ற அற்ப வாசகத்தில் உரிமை நோக்காது, அங்கீகத்தருளி எங்களைத் காத்தருளல் வேண்டும்.
4. சிறியேங்கள்,திருச்சமுகத்தில் விண்ணப்பிக்கின்ற விண்ணப்பமும், குற்றமே வடிவாய்க், குற்றமே குறிக்கும் என்று அறிந்தோம் ஆயினும், குற்றம் குறியாத வகை விண்ணப்பஞ் செய்தற்க்கு ஒருவாற்றனும் உணர்ச்சியில்லோம். ஆதலில், துணிவு கொண்டு விண்ணப்பிக்கின்றோம்.
5. குற்றங்களையே குணங்களாக கொள்ளுதல் , தேவரீர் திருவருட் பெருமைக்கு இயற்கையாதலின், இவ்விண்ணப்பங்களில் குற்றம் குறியாது கடைக்கணிந்து அருளிக் கருணை செய்தல் வேண்டும்.
web : http://vallalargroupsmessages.blogspot.com | E-Mail : vallalargroups@gmail.com
அருட்பெருஞ்ஜோதி அருட்பெருஞ்ஜோதி தனிப்பெருங்கருணை அருட்பெருஞ்ஜோதி
No comments:
+Grab this
Post a Comment